السلام عليكم
احب اشارك معاكم بهذي القصيده للشاعر الكبير طلال السعيد التميمي
وانشالله تنال على اعجابكم
الله يرحم حبنا اللي قتلتيه
جفت دموعي والبقا في حياتك
ياللأسف كل الأسف مابكيتيه
أنتي الغرور أعماك مع حب ذاتك
انتي بديتي الحب وانتي نهيتيه
اقري عليه الفاتحه في صلاتك
انتي رعيتي الحب وانتي طعنتيه
توني دريت أن الغدر من صفاتك
انتي شريتي الحب مني وبعتيه
عسى الثمن يكون سبت غناتك
انتي بنيتي الحب وانتي هدمتيه
الله واكبر من يسوي سواتك
انتي رسمتي الدرب بس مامشيتيه
أعماك عن درب الغرام التفاتك
انتي كتبتي العهد وانتي مسحتيه
محاولة تزوير في ذكرياتك
مره لبستي الحب ومره فصختيه
هذا الهوى لاتحسبينه عباتك
قلتي أحفظه تذكار وقلت مابغيه
تذكار حبي هو شهادة وفاتك
خلي جمالك ينفعك واستغليه
روحي ورا اللي قالك ياحلاتك
خذي الهوى وياك ليش أحتفظ فيه
يمكن يجي له يوم ويهدم حياتك
طلال السعيد
